(دمعات) لشاعر عادل مصطفى

[ممنوعه]

ليل الفرح الطول دونك
ما بنعاش
شال افراحنا وباقي شجونك
وفجر الريد القصر عمرو
خلي عمرنا وباقي صبرنا
يكون في سجونك
وين الذكري
وينك انتي وين ايامك
همسة صوت في القلب العاشق
بيسال عنك
مسام الايد الحضنت كفك
بتسال عنك
وعد الريد الخوف الطول بيسال عنك
درب الشوق الحزن الغور بيسال عنك
نسمة صوتك ولمسه عينك
لما تكحل عيني وتضحك
بتسال عنك
نبض احساسي الدافي في حضنك
بيسال عنك
دمع العين الفتر دمعو
وواقد شمعو وحارس حنك
بيسال عنك
ضاعت منك كل الدنيا
وملمس قلبي التبر الصافي
بيسال عنك
لبن الطير الكان في ايدك
ما ضقتيه
بكرة تلوم الذكري الباكية
وبكرة يجيك الالم القاسي
بكرة بتطري شوق احساسي
بس يا خسارة ضاعت سبلك
وفتا طريقك ونبضي الرادك
اصبح قاسي
ذكرت ريدنا الكانت ذادنا
كانت فكرة وغنوة ومقطع
صارت مافي
كذب القول الطالع منك
زيفك وكذبك وحبك
راجع نفسو واصبح صاحي
هجر البعد الخوف قلبي
وطعم الظلم المنك بارد اصبح دافي
وباقي الجاي من فجر احلامنا
اقنع همسو ودف كيانو واصبح خافي
صدق عيوني السكنت فوقه
ملامحك وحبك
طفت الشمعة الميت نوره
وعتمت ليلنا رحلت مافي
وسم الغدر البحرق جوه
ويفتح طاقة نار في ذاتي
اصبح بلسم
طعمو اتغير واصبح شافي
كتر الالم العشتو معاك
وسهر الليل القصر عمري
اصبح كافي
هسي بشوف الكون المظلم
اصبح قمرة
دنيا محبة جميلة والفة
كل مكان في في قلبي اتبدل
وضاير جرحو وعاش في مرافي
ولون الدم الخوف اللهفة
ونجم الريد الغبش نورو
ضوا مداينو واصبح صافي
وسحب الزيف الكانت فوقنا
ضلا بريقة وخافت تظهر
ووهج النور الكان من زيفك
اصبح مظلم ونورك طافي
كنت الريد العشم الفكرة
عسل الود الوردة البكرة
(كنتي الدنيا)
بس مغرورة وقلبك جافي

[الرحال]

ممنوعـــه



اشكرك على هذا النقل الرائع الذى يدل على روعة الناقل

اختيار موفق لقصيده تتحدث عن نفسها

نتمنى أن نرى ابداعاتك دوما على منتدانا

دمتى بخير وود

[تاجوج]

هنا وراقني نزف
قلم الشاعر المميز
وراقتنى الانامله الرقيقه التى
تعلن عن الحس الراقى

اختى
تقبل مني خالص احترامي وتقديري
ولك منى اطيب وارق الامنيات
ودمت بخير وود عزيزتى

[ود حائلwadhail]

يسلمووووووووو اختي الممنوعة علي الطرح الجميل دا وبجد مشاركة حلوة
تقبلي مروري

[وردة السودان]

يسلموووو ممنوعه كلمات رقيقة جدا يديك العافية

[ود الياس wadalyass]

يسلمو اختي ممنوعه كلمات في قمة الروعه دمتي بكل ود

[المميـــــــــــزهـ]

ما اروع الكلمات التي تنسجها
حين تمتزج الاحاسيس وتذوب المشاعر
في كاس العشق والغرام
الذي لا يمتلئ ابدا